ILOILO – May yara sang na monitor ang Philippine Drug Enforcement Agency 6 nga party drugs nga ginapahayag maga sulod sa siyudad sang Iloilo kadungan sang pagsaulog sang Dinagyang Festival 2020.
Sa interview sang Bombo Radyo kay Shey Tanaleon, ang tagpamaba sang Philippine Drug Enforcement Agency 6 iya ginpahayag nga apisar nga wala pa ini na kumpirma, nakig angot na sila sa pamunuan sang mga bars sa syudad lakip na ang pagpatigayon nila sang information drive.
Suno kay Tanaleon ginaekspektar man nila nga magadamo ang supply sang ilegal nga droga sa siyudad.
Bangud sini, Desyembre pa sang nagpatuman sila sang Interdiction Units sa mga paluparan kag dulungkaan.
Dugang sang natungdan gina tutukan nila ang mag dulungkaan bangud ini ang masami nga palaagyan sang mga kontrabando.
Nagpasalig naman ang natungdan nga may yara na sang magalibot nga mga k9 units sa syudad ilabi na sa mga lugar nga ginapatigayunan sang mga aktibidad may kaagtanan sa Dinagyang Festival agud siguraduhon nga mangin drug free and aktibidad.
Nagpaandam man ang nasambit nga ahensya sa mga may tuyo nga mag dala, mag baligya sang kontrabando sa siyuda nga naka alerto sila kaupod ang mga kapulisan kag iban pa nga mga law endorcement agencies.
