ILOILO – Daw indi makapati ang tatay sang 19 anyos nga dalagita sa Brgy. Liong, Cabatuan matapos nga naghikog ini sa ila mismo nga balay.
Sa interview sang Bombo Radyo kay Alyas Richard, amay sang biktima, iya ginpahayag nga wala sang ginmuno sa ila nga problema ang iya nga bata magluwas lang sa away nila sang iya nga nobyo.
Suno sa amay, mabuot kag hipuson nga klase sang bata si Alyas Alex kag wala gid siya naghaom nga mahimo sini nga utason ang iya nga kabuhi.
Samtang, suno naman sa iloy sang biktima, daw kaangay nga naka istorya pa ang iya nga bata sa iya antes matabo ang insidente sa diin nakamuno pa ini nga may indi pa sila pag intindihanay sang iya nga migo.
Nahibaluan nga naghikog man ang migo ni Alyas Nene matapos niya mahibaluan nga patay na ang iya nga nobya.
