ILOILO – Nahisugtan sang Committee on Transportation kag Public Safety Transportataion and Management Office nga pasakaan sa P500 ang multa sa nagalapas sang No Jaywalking kag iban pa nga traffic rules.
Sa interview sang Bombo Radyo kay Jeck Conlu, pinuno sang Public Safety Transportation and Management Office, iya ginpahayag nga gin-aprubahan na ang nasambit nga layi bangud nga madamo sa gihapon ang nagatabok kag wala nagasunod sa mga signage.
Suno kay Conlu, nagakadapat man nga sundon ang pagpapanaog sa mga Senior Citizens sa husto nga lugar agud nga makalikaw sa disgrasya.
Sa subong suno kay Conlu, ginahulat na lang niya nga ipatawag liwat kaupod ang Committee on Transportation agud mahitso na ang pagdugang sa multa sang traffic violators.
