Nakatalana nga i-repatriate ang masobra sa 500 ka mga Pinoy seaman nga nakaquarantine subong sa Diamond Princess sa Yokohama, Japan bangud sa COVID-19.
Ginkumpirma sang health minister sa Japan nga may panibag-o nga 70 ka mga pasyente nga nagpositibo sa COVID-19 nga yara sa sulod sang nasambit nga cruise ship.
Sa kabilugan, nagsaka na sa 355 ang kaso sang COVID-19 nga nagikan sa Diamond Princess cruise ship sa diin 11 diri ang mga tripulante nga Pinoy.
Suno kay Department of Labor and Employment, Silvestre Bello III pahagatagan sang reintegration program nagikan sa Overseas Filipino Workers Welfare Administration ang mga igarepatriate nga Filipino seamen.
Samtang sa ginpahayag naman ni Department of Foreign Affairs Seceretary Teodoro Locsin Jr., nga nagasalig siya sa kapasidad sang Hongkong nga punggan ang paglapta sang COVID-19 gani ginatun-an na nila ang pagpabalik sa mga HongKong bases Overseas Filipino Workers nga na stranded sa Pilipinas matapos maabtan sang travel ban.
Nahibaluan nga base sa record sang World Health Organizatipn, nagdangat na sa halos 60,000 ang kaso sang COVID-19 sa China samtang halos 1,500 naman ang napatay bangud diri samtang may dugang naman nga 218 nga kaso sa iban pa nga mga pungsod.
