Positibo ang nangin sabat sang mga nagabakal sang mangga nga nagikan sa Pilipinas sa Paris France, United Arab Emirates kag Dubai.
Suno kay Department of Agriculture 12 Agribusiness and Marketing Assistance Division Director Mike Intao, yara sa good quality kag pang-export ang kalidad sang mga mangga nga nagikan sa probinsya sang Cotabato gani nakapasar ini sa panabor sang mga dumuluong.
Nahibaluan nga sang damlag lang, ginhiwat ang Ceremonial Send off sang mga Fresh Mango sa General Santos City International Airport padulong sa iban nga pungsod kaangay sang France, Dubai kag UAE.
Ginalauman nga kada semana, tone-tonelada nga mangga ang iga-export sa tatlo ka pungsod kag posible nga madugangan pa.
Isa naman ini ka maayo nga balita para sa industriya kag produksyon sang mangga sa pungsod matapos ang nangin pag-atake sang peste nga Cecid fly ukon mas kilala sa tawag nga “kurikong” sa produksyon sang mangga sa Pilipinas.
Sa diin nagdangat sa 737,928 metriko tonelada ukon katumbas sang P24 bilyon na sang mga mangga ang naapektuhan sang nasambit nga peste.
