Ginkumpirma sang Department of Health nga nagnegatibo sa COVID-19 ang duha ka Pilipino nga naka quarantine sa New Clark City kag nagikan sa Diamond Princess cruise ship.
Ini matapos nga makitaan sila sang sintomas sang coronavirus disease 2019.
Magluwas sa ila, duha ka pa repatriates ang ginpadangat sa ospital bangud sa sore throat kag ginakabig subong nga person’s under investigation.
Samtang ginahulat pa ang resulta sang tatlo ka person’s under investigation nagikan sa Research Institute for Tropical Medicine, nagpasalig ang Department of Health nga nakahanda ang ospital nga i-akomodar ang mga pasyente.
Sa tion nga maggwa na ang tests results gilayon sila nga ibalik sa New Clark City agud tapuson ang 14 ka adlaw nga quarantine.
Samtang walo naman sa 10 ka mga Pilipino nagikan sa Diamond Princess ang nag-ayo na matapos nga nagpositibo sa COVID-19.
