Mas nagalala pa ang sitwasyon sang coronavirus disease sa bilog nga kalibutan.
Ini ang nangin pahayag sang World Health Organization matapos nga ginkumpirma sang Nigeria ang ika labing una nga kaso sang COVID-19 sa ila nga pungsod.
Bangud diri, ginpasaka na sang World Health Organization sa “very high” ang global risk sang Coronavirus disease 2019.
Nahibaluan nga lima pa ka mga pungsod ang nagkumpirma sang pinaka ka una nila nga kaso sang nasambit nga virus sa diin kalabanan nga nagpositibo ang may yara sang travel history sa Italy, ini amo ang Nigeria, Estonia, Denmark, Netherlands kag Lithuania.
Sa subong yara na sa 49 ka pungsod ang may yara sang 4,351 ka kaso sang COVID-19 sa diin nagdangat na sa 67 ang patay.
Samtang naglab-ot naman sa 80,00 ka kaso ang na rekord sa China sa sulod lang sang duha ka bulan.
10% diri ang gin classify nga severe sa diin 2,791 ang patay.
Sa subong padayon pa nga gina monitor sang World Health Organization ang mga reports sa diin may yara sang mga pasyente nga na re-infect sang virus.
