ILOILO – Nagbisita si PBGen Bernard Banac, tagpamaba sang Philippine National Police sa Police Regional Office 6 bilang kabahin sang iya katuyuan nga mas pabaskugon pa ang programa sang PNP sa internal cleansing.
Sa interview sang Bombo Radyo kay PBGen Banac iya ginpahayag nga katuyuan niya nga pabaskugon pa ang squadding program nga kabahin man sang ila internal cleansing program.
Suno kay Banac, kinahanglan nga ipatudok sa mga kapulisan ang core values sang Philippine National Police nga maka Diyos, makabayan, makatao, makakalikasan kag kinahanglan man nila ang bulig sang faith-based community para sa values formation kag character development.
Dugang sang natungdan, i-implementar ini paagi sa squaing concept sa diin i-organisa sila sa squads kag nagakadapat ini sundon sang Police Regional Office 6.
Santo sa pahayag ni Banac, ini man ang pinaagi sang Philippine National Police agud mabuhinan ang numero sang mga pulis nga naga pakigbahin sa mga ilegal nga aktibidad
Samtang, gin kadlawan naman ni PBGen Bernard Banac ang naggwa nga impormasyon nga siya ang masunod nga director sang Police Regional Office 6.
Suno kay Banac, ang pagpadulong niya sa PRO 6 ang para lang sa kampanya sang Philippine National Police kag wala sang kahilabtanan sa anuman nga butang magluwas diri.
Ginpalab-ot naman ni Banac ang mensahe sang pagpakig-unong ni Philippine National Police Chief Police Director Gen Archie Francis Gamboa sa mga nalisdan sang nagluntad nga road mishap sa banwa sang Alimodian sa diin apat ka mga pulis ang nadulaan sang kabuhi.
Suno kay PBGen Bernard Banac, tuman nga nagakasubo ang pwersa sang kapulisan sa natabo kag nagpasalig ang natungdan nga magapalab-ot sila sang bulig sa himata sang mga biktima kag nalisdan.
