ILOILO – Padayon pa nga gina imbestigaran sang Police Regional Office 6 kag ginapamunuan sang Regional Investigation and Detection Management Division ang nagluntad nga road mishap sa Alimodian sa diin apat ka mga katapo sang 601st Regional Mobile Force Batallion ang napatay.
Sa interview sang Bombo Radyo kay Pol Col Pablito Asmod Jr., pinuno sang Regional Investigation and Detection Management Division iya ginpahayag nga indi pa maathag subong kun mechanical ukon error ang nangin kabangdanan sang aksidente.
Suno kay Asmod, ginpaidalom naman sa imbestigasyon ang tanan nga katapo ang 601st Regional Mobile Force Batallion nga sakay sang naaksidente nga truck lakip man ang driver sini.
Dugang sang natungdan, nagtukod naman sila sang investigation committee agud mas mapadasig ang imbestigasyon.
Nagkuha naman sila sang mekaniko agud buligan sila sa imbestigasyon.
