ILOILO – Naglab-ot na sa P56 milyon ang narelease nga pondo sang Mangunguma Sapnayon Palay Price Procurement program sa diin P20 milyon na ang purchase sang mga mangunguma.
Sa interview sang Bombo Radyo kay Atty. Arturo Cangrejo, pinuno sang Provincial Cooperative iya ginpahayag nga base sa nangin feedback sang mga kooperatiba nga kalabanan sa mga namakal sang humay kag ginpagaling agud ibutang sa ila inventory ang napierde.
Suno kay Cangrejo, base sa entering financial statements sang mga kooperatiba kalabanan sa ila ang napierde bangud wala naga taas ang presyo sang bugas.
Bangud diri, suno sa natungdan ginaplano nila nga magpatigayon sang evaluation kag magdihon sang detailed analysis sa nangin resulta sang nasambit nga programa.
Sa pihak sini, nagapati si Cangrejo nga may yara man sang nabulig ang programa sa mga mangunguma nga naapektuhan sang Rice Tarrification Law apang nagapati man siya nga sa bahin sang mga kooperatibe negatibo ang nangin resulta sang programa.
Dugang sang natungdan, napahibalo na niya si Iloilo Governor Arthur Defensor may kaangtanan sa patigayunon nga evaluation.
Sa subong, ginahulat nalang nila ang report sang iban pa nga mga kooperatiba agud masugudan na nila ang evaluation.
