Nakagwa na sa ospital si Philippine National Police Chief Gen. Archie Francisco Gamboa kaupod ang iya aide-de-camp nga si Capt. Keventh Gayramara.
Ini matapos nga ginsertipikahan sang doktor nga maayo na si Gamboa.
Nag-agom sang pilas sa nagkalain-lain nga lawas si Gamboa matapos nga nagcrash ang ginsakyan niya nga Bell 429 helicopted kaupod ang pito ka iban pa nga opisyal.
Suno kay Philippine National Polcie acting spokesperson kag Director for Police Community Relations M/Gen. Benigno Durana Jr., maayo na kag mabaskog na ang PNP Chief.
Gilayon nga nagderetso si Gamboa sa White House sa Camp Crame nagikan sa St. Lukes Medical Center.
Dugang sang natungdan, apisar nga nakagwa na si Gamboa sa ospital, padayon sa gihapon siya nga gina monitor sang mga doktor sang PNP Health Service.
Ginbisita man ni Special Investigation Task Group Commander kag Deputy Chief for Operations sang PNP nga si Lt/Gen. Guillermo Eleazar si Gamboa agud ireport ang inisyal nga resulta sang ginpatigayon nga imbestigasyon sa crash site sa San Pedro, Laguna.
