Nagapati ang Department of Health nga indi pa kinahanglan nga magdeklara sang code red alert sa Pilipinas apisar nga nakarecord na sang ginapahayag local transmission sang COVID-19 sa pungsod.
Ini ang gin-athag ni Department of Health Sec. Francisco Duque matapos nga ginkumpirma nagpositibo ang duha ka Pilipino sa COVID-19.
Suno kay Duque, wala pa sang narekord nga local transmission sa pungsod bangud isa palang ang suspected case, gani gilayon sila nga nagpatigayon sang contact tracing sa mga nakaupod sang 62-anyo sa Muslim prayer hall agud mahibaluan kun may yara siya sang nalatnan.
Isa diri ang 48-anyos nga lalaki nga may travel record sa Japan kag ang isa naman amo ang 62-anyos nga regular nga nagabisita sa isa ka Muslim prayer hall sa Green Hills, San Juan kag wala ini sang travel history sa gwa sang pungsod.
Sa subong yara na sa pag-inakop sang Research Institute for Tropical Medicine ang duha ka Pinoy kaupod ang isa pa ka persona nga nakitaan man sang sintomas sang COVID-19 nga himata sang ika-lima nga pasyente.
