ILOILO CITY – Gin-ako sang barangay council sang pila ka mga barangay sa syudad sang Iloilo nga madamo sa gihapon sang nabilin nga sablag sa ila nga lugar sang nagpatigayon ang validation ang Department of Interior and Local Government rason kun ngaa wala sila nakapasar.
Sa interview sang Bombo Radyo kay Punong Barangay Sonny Catalan sang Brgy. Dungon A, Jaro, Iloilo City iya ginpahayag nga may yara pa sila sang kulang nga mga papeles may kaangtanan sa ila ordinansa.
Suno kay Catalan, apisar nga gintinghuaan nila nga maubos ang tanan nga sablag sa ila barangay madamo sa gihapon ang mga pasaway nga pumuluyo ilabi na ang mga naga illegal parking.
Samtang kaangay naman nga problema ang gina-atubang ni Punong Barangay Edgar Aranador sang Brgy. Balabago, Jaro, Iloilo City isa man sa problema nila amo ang ilegal parking kag wala pa natapos nga mga drainage.
Suno kay Aranador, ginatinghuaan gid nila nga matapos na ka panghawan tanan nag sablag sa ila nga barangay.
