Ginkumpirma ni Sen. Christopher “Bong” Go nga aprubado na ni Presidente Rodrigo Duterte ang rekomendasyon sang Department of Health nga magdeklarar sang State of Public Health Emergency.
Ini matapos nga gin-anunsyo sang Department of Health ang labing una nga kaso sang local transmission sang Coronavirus Disease 2019 (COVID-19) sa Pilipinas.
Suno kay Go, bilang chairman sang Senate Committee on Health, gina-ugyunan niya ang desisyon ni Presidente Duterte.
Sa subong, wala pa sang opisyal nga anunsyo ang Malacañang may kaangtanan sa nasambit nga deklarasyon.
Madumduman nga una na nga gindeklarar sang Department of Health ang ‘Code Red sublevel 1’ nga naga-alerto sa mga pribado kag pampubliko nga hospital may kaangtanan sa posibilidad nga mas magdamo pa ang kaso sang COVID-19 sa pungsod.
Suno naman kay Presidential Spokesperson Atty. Salvador Panelo, nagasalig siya nga ginahimo sang mga ahensya sang gobyerno ang ila tagsa ka katungdanan.
