Ginsuspinde na sang Department of Education ang pagpatigayon sang tanan nga mga national kag regional events bangud sa pagpamahog sang Coronavirus Disease 2019.
Suno sa Department of Education, kanselado man ang Palaro Regional Meets sa diin magatipon-tipon ang mga student-athletes nagikan sa nagkalain-lain nga bahin sang pungsod.
Samtang naka depende naman sa desisyon sang Palaro board ang pagpatigayon sang Palarong Pambansa.
Sa pihak sini, magapadayon naman ang National Festival of Talents kag National Schools Press Conference bangud yara na sa venue ang mga estudyante.
Nagpasalig naman ang ahensya nga ginpasangkad na nila ang preventive precautions agud masiguro ang kahilwayan sang mga estudyante.
Nakadepende naman sa mangin abiso sang Inter-Agency Task Force ang pagpatigayon sang iban pa nga mga aktibidad sang Department of Education.
