Nakatalana na nga ipasa kay Presidente Rodrigo Duterte subong nga semana ang resulta sang imbestigasyon may kaangtanan sa pagkaulamid ni Pol. Lt. Col. Jovie Espenido sa drug watchlist.
Madumduman nga naka-schedule na kun tani sa Marso 7 ang pagpasa sang report, matapos nga ginkumpirma ni Philippine National Police Chief Gen. Archie Gamboa ang pagka-ulamid sang masobra sa 300 ka mga pulis sa ilegal nga droga.
Apang ginpahayag naman ni Department of Interior and Local Goverment Sec. Eduardo Año nga wala nadayon ang pagpasa matapos nga naaksidente ang ang ginasakyan nga helicopter ni Gamboa kag iban pa nga mga opisyal.
