Ginpaiway na sang Professional Regulation Commission ang pila ka mga licensure examination nga nakatalana kun tani nga patigayunon subong nga bulan kag sa Abril.
Ini matapos ang pagdeklara ni Presidente Rodrigo Duterte sang state of public health emergency sa Pilipinas bangud sa pagtaas sang kaso sang Coronavirus Disease 2019.
Suno sa Professional Regulation Commission, ginpaiway ang pila ka mga licensure examination bilang pagsunod sa rekomendasyon sang Department of Health nga ipaiway anay ang pagpatigayon sang mga pagtililipon agud malikawan nga malatnan sang nasambit nga balatian ang mga examinee kag mga empleyado sang PRC.
Lakip sa mga ginpaiway nga examination amo ang masunod:
- Qualifying Assessment for Foreign Medical Professionals (March 19, 2020)
- Physician Licensure Examination (March 15-16, 2020)
- Medical Technologists Licensure Examination (March 18-19, 2020)
- Licensure Examination for Professional Teachers (March 29, 2020)
- Licensure Examination for Electronic Engineers and Electronic Technicians (April1-3, 2020)
- Licensure Examination for Midwives (April 5-6, 2020)
- Licensure Examination for Registered Electrical Engineers and Registered Master Electricians (April 14-16, 2020)
- Licensure Examination for Pharmacists (April 26-27, 2020)
Magapagwa sang bag-o nga schedule ang Professional Regulation Commission sa mga nakansela nga test sa ila nga website kag social media accounts.
