Kanselado na ang nakatalana kun tani nga pagbisita ni Presidente Rodrigo Duterte sa Boracay Island subong nga adlaw bangud sa Coronavirus Disease scare sa Pilipinas.
Suno kay Presidential Spokesperson Salvador Panelo, igareschedule pa nila ang pagbisita sang presidente sa nasambit nga lugar.
Nakatalana kun tani nga inspeksyunon sang Presidente ang isla kag managtag sang certificates of land ownership awards sa Brgy. Manoc-Manoc.
Naka schedule man kun tani nga makigkita ang presidente sa tourism stakeholders sang isla.
Ang nakatalana kun tani nga pagpadulong ni Presidente Duterte sa Boracay ang ika-labing una niya nga pagbisata sa isla matapos nga ginpaidalom ini sa anum ka bulan nga closure kag rehabilitation sang 2018.
