MALACAÑANG – Temporaryo nga ginsuspinde ang tanan nga biyahe ni Presidente Rodrigo Duterte padulong sa iban nga pungsod bangud sa nagapadayon nga Coronavirus Disease scare.
Base sa ginpagwa nga public advisory sang Presidential Security Group, tanan nga foreign travels ni Presidente Duterte ilabi na sa mga pungsod nga may yara sang positibo nga kaso sang COVID-19 ang ginpaiway na.
Ini ang pagsunod man sa rekomendasyon sang Department of Health.
Nahibaluan nga isa sa mga nakatalana kun tani nga byahe sang Presidente amo ang padulong sa Vietnam para sa ika-36 nga ASEAN Summit sa Abril.
Samtang, ginahulat nalang ang resulta sang laboratory test ni Presidente Duterte kag Sen. Go matapos nga nagpaidalom sila sa COVID-19 test kahapon.
