MANDURRIAO, ILOILO CITY- Nagdangat sa 90 ang nagkaladakpan sa distrito sang Mandurriao kadungan sang ginpatuman nga curfew may kaangtanan sa Enhanced Community Quarantine.
Sa interview sang Bombo Radyo kay Police Lieutenant Edward Geroso, officer on duty sang Mandurriao Police Station, iya ginpahayag nga sa 90 ka mga nagkaladakpan, 78 ang legal age, tatlo ang minor de edad, walo ang babayi kag 10 ang hubog.
Suno kay Geroso, ang mga hubog ang posible magpangatubang sang kaso bangud sa paglapas sa liqour ban.
Ginpahayag ni Geroso nga ginpreso ang mga hubog kag kasubong man ang madangatan sang mga madakpan nga nagalapas sa curfew sang tatlo ka bes.
