Indi na pag i-tolerar sang Malacañang ang anuman nga pagpasilabot sa operasyon sang mga frontliners ukon mga grupo nga nagabulig sa mga healthcare workers batok sa COVID-19.
Ini matapos ang pagsipa ni Presidente Rodrigo Duterte kay Presidential Anti-Corruption Commission (PACC) commissioner Manuelito Luna bangud sa pagpatawag niya sang imbestigasyon batok kay Vice President Leni Robredo bangud sa ginapahayag pagpakig kompetensya niya sa national government sa paghatag sang bulig sa mga apektado sang COVID-19.
Una naman nga gindepensahan ni Presidente Duterte si Vice President Leni Robredo, sa diin iya ginpahayag nga wala sang malain sa pagbulig sang bise presidente sa mga medical workers ilabi na sa mga pasyente.
Suno kay Presidential Spokesperson Atty. Salvador Panelo, nagakadapat lang nga ipain ang pulitika samtang ginapangatubang sang Pilipinas ang krisis nga gintuga sang COVID-19.
