Ginkumpirma sang Department of Health nga nagdangat na sa 766 healthcare workers ang natapikan sang Coronavirus diease 2019 sa pungsod.
Suno kay Department of Health Undersecretary Maria Rosario Vergeire ang nasambit nga numero ang ginalakipan sang 339 ka mga doktor kag 342 ka mga nurse.
Lakip man diri ang 22 ka mga nagkalamatay bangud sa nasambit nga virus.
Nahibaluan nga nalakip naman sa prayoridad sang Department of Health para COVID-19 testing ang mga healthcare workers bangud sa ila exposure sa mga pasyente nga infected sang nasambit nga balatian.
Sa idalom sang ginamyenda nga pagsulundan, mahimo na nga makapatest ang mga healthcare workers nga nakabatyag sang simtomas lakip man ang mga asymptomatic apang may direct exposure sa positibo nga pasyente.
Sa subong nagdangat na sa halos 6,000 ang kumpirmado nga kaso sang Covid-19 sa Pilipinas.
