Ginsiguro sang Department of Health nga magapadayon ang basic health services nga ginahatag sang gobyerno sa tunga sang ginapangatubang nga krisis nga gintuga sang Covid-19.
Suno kay Department of Health Undersecretary Maria Rosario Vergeire sa idalom sang Department Order ang ‘Interim Guidelines for Immunization Services in the context of Covid-19 Outhbreak’ sa diin nalakip diri ang pagbakuna para sa measles ukon tigdas sa tanan nga mga kabataan naga edad zero tubtob 12 ka bulan.
Dugang sang natungdan, nagakadapat nga bukas ang mga health care center adlaw-adlaw agud mahatag ang routine immunization services para sa mga kabataan.
Magluwas sa bakuna, padayon man ang pagpanagtag sang Department of Health sang mga bulong para sa Tuberculosis.
Mahimo nga makakuha sang supply sang bulong ang mga TB patients sa ila local TB-DOTS facilities ukon sa ila nga TB nurses.
