ILOILO CITY – Magapadayon ang repatriation sang mga Ilonggo Overseas Filipino Workers nga na stranded bangud sa nagluntad nga krisis nga gintuga sang Coronavirus Disease 2019.
Sa interview sang Bombo Radyo kay Office of the Civil Defense 6 Director Jose Roberto Nuñez, iya ginpahayag nga may yara pa sang 50 ka Overseas Filipino Workers nga natalana nga magpauli sa Iloilo.
Suno kay Nuñez, mahimo lang nga makapauli ang Overseas Filipino Workers sa tion nga magnegatibo sa COVID-19 test kag matapos ang 14 ka adlaw nga quarantine.
Ginpahayag ni Nuñez nga sa tion nga maka-abot na sa Iloilo, liwat sila nga ipaidalom sa 14 ka adlaw nga quarantine sa John B. Lacson Foundation Maritime University nga amo ang magaserbe nga quarantine facility.
Sa subong, wala pa sang pat-od kun san-o makapauli sa Iloilo ang Overseas Filipino Workers.
