Wala sang mangin pagbag-o sa operasyon sang mga kapulisan apisar nga ginpaidalom na sa General Community Quarantine ang pila ka mga lugar sa Pilipinas subong nga adlaw.
Suno kay Philippine National Police spokesman Brig Gen Bernard Banac, padayon nila nga ginapasangkad ang police visibility operations lakip na ang pagpatigayon sang random checkpoints.
Dugang sang natungdan, padayon man ang ila pagpakig-angot sa mga local government unit kag law enforcement agencies ilabi pa subong nga ginpanubo na ang community quarantine levels.
Mas madamo man nga kapulisan ang ipahamtang sa mga business districts lakip na sa mga convergence points kaangay nalang sang public transport terminals kag waiting areas.
I-implementar man sang kapulisan ang pagrandom check sa mga tawo sa dalan agud mahibaluan kun otorisado sila nga maggwa sa ila tagsa ka mga panimalay ilabi na sa mga lugar nga nakapaidalom pa sa Enhanced Community Quarantine.
Padayon man ang panugyan sang kapulisan sa mga pumuluyo nga kun mahimo magpabilin nalang sa ila tagsa ka mga panimalay agud mas malikawan ang paglapta sang Coronavirus Disease 2019.
