Naghingyo ang Department of Health sa mga Local Government Unit nga magtalana sang salakyan para sa mga nagabusong nga kababaihan nga mahimo nila sakyan padulong sa ospital.
Ini kadungan sang pagsaka sang numero sang mga kababaihan sa pungsod nga mas ginapili nga magbata sa ila panimalay bangud magluwas sa kahangawa nga matapikan sang Coronavirus Disease 2019 nabudlayan sila nga magpadulong sa ospital bangud man wala sang masakyan.
Suno kay Department of Health Undersecretary Maria Rosario Vergeire, nagakadapat nga tsekyaron sang mga barangay official nga may yara sang salakayan nga natalana para sa mga nagabusong nga pumuluyo agud sa tion nga magbata na sila indi na mangin problema ang pagpadulong sa ospital.
Dugang sang natungdan, nagakadapat man nga siguraduhon sang mga local government unit nga bukas ang mga birthing clinics kag maternity wards sang mga ospital.
Sa bahin naman sang Department of Health, nagpasalig si Vergeire nga gina tsekyar nila nga may yara sang naga kaigo nga infection prevention kag control measures ang tanan nga mga health facilities agud maprotektahan ang mga pasyente batok sa kahangawa sa COVID-19.
Nagpanugyan man ang natungdan sa mga pumuluyo nga magplano sang ila schedule sa pagpa check-up sa pihak sang ginapatuman nga community quarantine.
