ILOILO CITY – Ginahandaan sang Iloilo City Police Office ang posible pagtaas sa numero sang krimen sa syudad sang Iloilo kadungan sang pagdula sang liquor ban.
Sa interview sang Bombo Radyo kay Police Lt. Col. Efren Lozada Jr., Deputy City Director for Operations sang Iloilo City Police Office, iya ginpahayag nga kalabanan nga krimen nga ginalauman nga magasaka amo ang alarm and scandal kag physical injury tuga sang paghinubog.
Nagahingyo naman sang bulig ang Iloilo City Police Office sa barangay officials sa pagtapna sang krimen.
Nagpasalig man ang natungdan nga padayon ang ila pagbantay ilabi na kun pagsunod sa protocol sa General Community Quarantine ang pagahambalan.
