Ginatun-an na sang Department of Health ang posible pagpatigayon nila sang mass testing sa mga eskwelahan bilang kabahin sang ila lihok nga masigurado nga hilway ang mga estudyante, manunudlo kag non-teaching personnel sa Coronavirus Disease (COVID-19).
Suno kay Department of Education Undersecretary Revsee Escobedo, ginatun-an na nila kun masarangan ini sang ila nga pondo.
Nahibaluan nga una na nga ginpahayag sang Department of Education nga ginadumilian pa ang pagpatigayon sang face-to-face learning nga ginalakipan sang physical interaction sa tunga sang manunudlo kag estudyante tubtob ang pormal nga pagbukas sang klase sa Agosto 24 sini nga tuig.
Base sa pahayag nga ginpagwa sang nasambit nga ahensya, humalin Agosto 24 tugutan na ang pagpatigauon sang face-to-face learning apang nagakinahanglan sa gihapon nga sundon ang minimum health standards.
Ginlimitahan naman ang kadamuon sang estudyante sa isa ka classroom sa 15 tubtob 20 lang agud masunod ang social distancing.
