THAILAND – Mas ginpalawig pa sang Thailand ang pag-ban sang international flights sa ila pungsod.
Suno sa ginpagwa nga pahayag sang Civil Aviation Authority sa Thailand, magadugay pa tubtob katapusan sang Hunyo ang pagdumili sa mga international flights pasulod sa nasambit nga pungsod bangud sa padayon nga pagsaka sang kaso sang Coronavirus Disease 2019.
Wala naman nalakip sa ban ang mga state ukon military craft, emergency landings, technical landings, humanitarian aid, medical kag relief flights, repatriation flights kag cargo flights.
Nahibaluan nga nagdangat na sa 3,028 ang kaso sang COVID-19 sa Thailand sa diin 2,856 na ang nag-ayo, 56 ang nagkalamatay kag 116 naman ang padayon nga ginbulong sa ospital.
