ILOILO CITY– Ginkumpirma sang Department of Trade and Industry nga may yara sang memorandum circular tuhoy sa guidelines para sa operasyon sang malls sa lugar nga ginapaidalom sa General Community Qurantine.
Sa interview sang Bombo Radyo kay Judith Degala, Officer-in-Charge, Department of Trade and Industry 6, iya ginpahayag nga santo sa Guidelines on the Operations of Malls and Shopping Centers in Areas Declared Under General Community Quarantine, suspendido ang pagpatigayun sang sale, marketing event kag pila pa ka mga promosyon nga naga-engganyo sang madamo nga customer.
Sa bahin naman sang raffle draw, ginapahanugutan ini apang kinahanglan nga sa opisina lang ini patigayunon kag dapat nga wala sang audience.
Ang nasambit nga lihok suno kay Degala ang may katuyu-an nga dapat masunod ang physical distancing.
