Ginpanginwala sang Philippine Health Insurance Corporation ang balita may kaangtanan sa pila ka mga ospital nga nag sirado na bangud sa atrasado nga bayad nila sa claims sang mga pasyente.
Suno sa PhilHealth, subong nga tuig nagdangat sa P52.53 bilyon ang balor sang ila disbursement.
Sa nasambit nga total disbursement, P38.6 bilyon ang ginbayran sang state health insurance corporation para sa claims sa diin lakip na diri ang P4.74 bilyon nga ‘return to hospital’ claims.
May yara man sang P13.93 bilyon nga balor sang reinbursements nga ginbayran ang PhilHealth sa idalom sang interim reimbursement mechanism.
Sa pagkamatuod suno sa nasambit nga ahensya, tunga sang kabilugan nga disbursement para sa claims ang nagabalor sang P21.8 bilyon ang ginbayran sang PhilHealth sa mga pribado nga pasilidad.
Nahibaluan nga una na nga ginpahayag ni Dr. Rustico Jimenez, presidente sang Private Hospitals Association of the Philippines Inc. nga pila ka mga ospital ang malapit nalang magsirado bangud sa atrasado nga bayad sang PhilHealth.
