MANILA – Nagpahanumdom ang Anti-Money Laundering Council sa publiko tuhoy sa nagadamo nga reported suspicious online transactions.
Santo sa record, nagalab-ot sa 400,000 ang suspicious transactions subong nga tuig nga equivalent naman sa full year total sang 2019.
Suno kay Anti-Money Laundering Council executive director Mel Racela, nagakadapat nga mag-aligmat ang mga nagapatigayon sang online transactions agud nga indi matuntuhan.
Ginpahayag ni Racela nga ang Anti-Money Laundering Council ang nagabulig sa Philippine National Police Cybercrime group sa pagpatigayon sang imbestigasyon batok sa fraudsters.
Nahibalu-an nga kabahin sang katungdanan sang Anti-Money Laundering Council amo ang pagpatigayon sang imbestigasyon sa suspicious transactions lakip na diri ang wala sang legal or trade obligation, purpose or economic justification kag iban pa nga anomaliya.
Apisar sini, ang Pilipinas suno kay Racela ang may “enough controls” sa pagtapna sang money laundering.
