ILOILO CITY- Ginaangan-angan na sang mga vendors sa Lapaz Public Market ang total demolition sa nasambit nga merkado para sa plano nga renovation.
Sa interview sang Bombo Radyo kay Mr. Charlie Chan, presidente sang La Paz Public Market Vendors Association, iya ginpahayag nga wala mahibaluan ang pat-ud nga petsa apang ginalauman nga sa first quarter subong nga tuig ini umpisahan.
Suno kay Chan, nagpasalig man sa ila si Iloilo City Mayor Jerry Treñas nga wala sang may ma-displace nga vendors bangud hatagan ang mga ini sang relocation kon sa diin sila mahimo makabaligya.
Nahibaluan nga masobra sa 500 ang mga maapektuhan nga vendors sa Lapaz Public Market sa tion nga magsugod ang demolition.
