ILOILO CITY- Nag-improve na ang drainage system sa Iloilo Terminal Market ukon Super.
Sa interview sang Bombo Radyo kay Punong Brgy. Woody Delariarte sang Kauswagan, Iloilo City Proper kag nagaserbi spokersperson sang Vendors Association, iya ginpahayag nga kun basehan ang sitwasyon sang drainage sadto, mas madasig subong nga mag-subside ang tubig sa tion nga magbubo ang mamunog nga ulan.
Suno kay Delariarte, mas ginpadalom ang drainage kag gintakluban agud indi mahabuyan sang basura nga nagaresulta sa pagbara.
Apang, pahayag ni Delariarte nga apisar nakaayo na ang drainage, madamo sa gihapon sang problema sa merkado kaangay sang gubaon nga mga atop kag mga vendors nga nagadaya sang ila kilohan.
May kaangtanan naman sa ginaduso nga Public-Private Partnership sa pagdevelop sang merkado, hugot nga ginapamatukan ini ni Delariarte bangud pat-ud nga ipaagi sa mga vendors ang pagbawi sang mga investors sang ila investment.
