ILOILO CITY – Temporaryo nga ginlockdown ang OB Gyne operating room sang Iloilo Doctors’ Hospital matapos nakarekord sang panibag-o nga nagpositibo sa COVID-19.
Ang mga nagpositibo sa COVID-19 nga lunsay na-assign sa OB Gyne operating room ang ginalakipan sang pito ka nurse, tatlo ka OR tech kag isa ka nursing aide.
Una nga nagpositibo sa COVID-19 ang siyam ka personnel kag nadugangan sang duha sang Lunes.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga balantayan ini kag delikado bangud apisar 11 lang ang nagpositibo sa nasambit nga ospital, madamo sila sang nakaclose contact.
Estable naman suno kay Treñas ang sitwasyon sang mga nagpositibo, apang ginahulat pa nga mapaidalum sa Reverse Transcription Polymerase Chain Reaction (RT-PCR) test ang tanan nga close contact.
