ILOILO CITY- Ginkalipay sang Ilonggo nga si Senator Franklin Drilon nga natinluan ang iya pangalan gikan sa mga isyu nga ginhaboy sa iya ni anay provincial administrator Manuel “Boy” Mejorada.
Ini matapos nga ginconvict sa kaso nga libel sang Pasay City Regional Trial Court (RTC) ang anay Iloilo provincial administrator sa diin guilty ini sa four counts sang online libel para sa iya Facebook posts nga nagaakusa kay Drilon sang kurapsyon sa mga infrastructure projects lakip na ang Iloilo Convention Center.
Sa interview sang Bombo Radyo kay Drilon, iya ginpahayag nga saksi ang publiko sa Iloilo nga wala ini sang may ginatago kag wala sang nagakatabo nga korapsyon sa mga proyekto nga ginadala niya diri.
Suno sa senate minority leader, protektahan niya ang tanan nga mga lehitimo nga katapo sang media apang indi niya pagtugutan nga mahigkuan ang iya reputasyon kag sang iya pamilya sang malisyoso nga mga posts ni Mejorada.
