Nagpaandam si Vice President Leni Robredo nga mahimo madulaan sang interes ang tawo nga magpabakuna kun mag-untat ang local government units sa pag-anunsyo sang brand sang bakuna nga gamiton sa vaccination center.
Una diri, gin-athag sang Department of Health (DOH) nga ang direktiba sang Department of the Interior and Local Government (DILG) amo nga ipahibalo lang sa vaccinee ang vaccine brand kun yara na mismo sa vaccination site kag kun inugtublok na ang COVID-19 vaccine.
Suno naman kay Robredo, kada isa ang may yara sang kinamatarong nga hibaluon ang vaccine brand nga gamiton.
Nahangpan niya suno sa iya ang polisa apang nahadlok siya nga mangin baliskad ang resulta sini.
Sa baylo sang indi pag-anunsyo sang brand sang bakuna, nag-apelar si Robredo sa gobyerno nga magtutok sa pagpataas sang vaccine confidence sang tawo.
