Ginaduso ni Department of Tourism (DOT) Secretary Bernadette Romulo-Puyat ang pagpalip-ot sang tyempo sang quarantine sang mga fully vaccinated travelers partikular sang mga returning Filipinos.
Suno kay Puyat, makigsapol siya sa mga ahensya sang gobyerno agud maistoryahan ang nasambit nga proposal.
Nahibaluan nga ang mga Overseas Filipino workers kag balikbayans ang required nga magpaidalom sa 10 ka adlaw nga quarantine sa diin i-swab ang mga ini sa ika-pito ka adlaw nila nga pag-abot sa pungsod.
Magluwas sini, kinahanglan man sang mga ini nga dugangan pa sang apat ka adlaw ang ila home quarantine.
Ginhalimbawa sang tiglikom ang sitwasyon sa Thailand sa diin ang quarantine sang mga nagapauli nila nga pumuluyo ang limitado lang sa pito ka adlaw.
“We’re still proposing that, at least shorter quarantine days to encourage them to come home,” pahayag ni Puyat.
“We’re meeting tomorrow, Wednesday, with Department of Health, Department of Foreign Affairs, and other government agencies, including the health experts, because we now have more and more studies about fully vaccinated individuals,” dugang pa sang tiglikom.
Sa proposal ni Puyat, gin-athag sini nga wala man sila sang ginahimo nga limitasyon sa brand sang COVID-19 vaccine.
Isa man sa mga importante nga topiko nga diskusyunan sang Department of Foreign Affairs kag DOT amo ang verification system sang proof of travelers’ vaccination.
Padayon naman nga naga istorya ang DOT sa International Air Transport Association kaangot sa nasambit nga isyu.
“Kung yung RT-PCR nga kasi napepeke, baka ito naman yung next na ipepeke para makapasok sa isang lugar,” she said.
Samtang, diskusyunan man sang DOT kaupod ang Department of the Interior and Local Government, National Bureau of Investigation, kag Philippine National Police ang pagsulundan para sa mga local travels.
