Ginahulat pa ang resulta sang reverse transcription polymerase chain reaction (RT-PCR) test sang iban pa nga nalakip sa 200 ka mga empleyado sang Palm Concepcion Power Corporation (PCPC) sa Concepcion, Iloilo.
Sa 200 ka empleyado, 80 diri ang lunsay Chinese national.
Sa interview sang Bombo Radyo kay Concepcion, Iloilo Mayor Dr. Raul Banias, iya ginpahayag nga nagapabilin sa 18 ang positibo sa COVID-19 nga mga empleyado sa diin lunsay Chinese nationals ang 17 kag isa ang Filipino.
Padayon nga ginamonitor sa quarantine facility ang mga nagpositibo nga mga empleyado sang PCPC.
Nagapadayon man ang swab testing sa dugang nga close contact sa diin ginquarantine naman ang iban nga nagahulat pa sang ila COVID-19 test result.
Sa subong, nagapabilin pa nga nakalockdown ang PCPC.
