ILOILO CITY- Napaslawan man nga makuha ang ikaduha nga gold medal para sa Pilipinas sa Tokyo 2020 Olympics, nakahimo naman sang maragtas ang Pinay boxer nga si Nesthy Petecio bilang pinakauna nga Filipino female boxer nga nakakuha sang medalya.
Nalutos si Petecio sa kamot sang Japanese boxer nga si Sena Irie sa women’s featherweight final agud dal-on pauli para sa Pilipinas ang silver medal.
Nangin masandukot ang ila away matapos nga nakuha ni Irie ang first round kag nakabawi naman si Petecio sa second round, apang sa last round, ang Japanese ang ginpaboran sang mga judges.
Ini na ang ikatatlo nga kahigayunan nga napierde si Petecio sa kamot ni Irie sa apat ka beses na nila nga pag-atubangay.
