ILOILO CITY- Kon ikaw isa ka iloy, tanan nga first nga activity sang imo baby ginakabig mo gid nga espesyal kag memorable ilabi na ang iya una nga kadlaw.
Pero dali lang kay sa isa ka lugar, ang una nga kadlaw sang baby, tuman pa gid ka espesyal.
Ini amo ang Navajo, isa ka American Indian territory nga makit-an sa bahin sang northeastern Arizona, southeastern Utah, kag northwestern New Mexico sa United States.
Ang mga tawo sa Navajo nagapati nga ang una nga kadlaw sang baby nagamarka sang iya transition halin sa spirit world pasulod sa physical world.
Sa iya una nga kadlaw, sila ang nagapatigayon gilayon sang selebrasyon.
Apang ang twist diri amo nga kon ikaw ang rason sang pagkadlaw sang bata, ikaw man ang magagasto kag magabayad para sa party.
