ILOILO CITY- Himuon na nga lulubngan sang mga napatay bangod sa COVID-19 ang public cemetery sa Quintin Salas, Jaro, Iloilo City.
Sa interview sang Bombo Radyo kay Engr. Noel Hechanova sang City Environment and Natural Resources Office, iya ginpahayag nga 170 ka mga pantyon ukon nitso ang tukuron sa amo nga patyo.
Apang suno kay Hechanova, waterproof ang tukuron nga mga nitso agud nga indi ini masudlan sang tubig kag maka-contaminate sa palibot.
Matandaan nga duha ka semana nga nagsuspend sang operasyon ang nagaisahanon nga crematorium sa Panay bangod indi na ini makaarapal sa pag-akomodar sang mga bangkay nga positibo sa COVID-19.
