Bastante ang suplay sang COVID-19 vaccines sa tion nga suguran na ang inoculation para sa mga pamatan-on nga naga-edad 15 tubtob 17 anyos sa Oktubre 15.
Suno kay Department of Health Undersecretary Myrna Cabotaje, chairperson sang National Vaccine Center, unahon nga bakunahan ang mga kabataan nga may yara sang comorbidities kag ini ang patigayunon sa pila ka mga pilot hospitals sa National Capital Region (NCR).
Pahayag niya, patigayunon ang nationwide inoculation para sa mga pamatan-on pagkatapos sang isa ka semana nga NCR-wide vaccination.
“Gagawin natin sa a few pilot hospitals dito sa NCR and then depende after one week, evaluation, tingnan natin kung ano pa kailangan natin i-refine sa ating mga procedures and then we go NCR-wide before we go nationwide,” pahayag ni Cabotaje.
Gin-athag man ni Cabotaje nga Pfizer kag Moderna vaccines nga may emergency use authorization halin sa Food and Drug Administration lang ang gamiton sa adolescent vaccination.
“We have enough Pfizer and Moderna. Since ang target natin sa umpisa ay children with comorbidities, we are looking at about 1 or 2 million muna, and in NCR a few hundred thousands, makakasapat naman,”
Una na ginpahayag sang natungdan nga antes ang pagpabakuna nagakadapat magpirma sang consent forms ang mga ginikanan ukon guardians sang kabataan.
Dapat man nga mag-presenta sang medical certificates ang mga kabataan antes ang mga ini tublukan sang bakuna.
