Ginbuy-an ni Transportation Secretary Arthur Tugade ang iya plano nga magpadalagan sa pagka-senador sa palaabuton nga May 2022 elections pinaagi sa indi pag-file sang iya certificate of candidacy (COC).
Nahibaluan nga kabahin si Tugade sang Cusi senatorial slate sa idalom sang Partido Demokratiko Pilipino–Lakas ng Bayan ukon PDP-Laban.
“I decided not to file my certificate of candidacy (COC) for multiple reasons,” pahayag ni Tugade sa isa ka statement.
“One of which is by not filing my COC, I can emphasize that the efforts of the Department of Transportation (DOTr) in finishing projects are not, in any way, in aid of election. It is just in doing and completing what we sincerely and honestly think is good for the country, the people, and the sambayanan,” dugang pa niya.
Una na nga natuksuan ang pangalan ni Tugade sa “Pandora Papers” nga report sang Philippine Center for Investigative Journalism (PCIJ) kun sa diin na-expose ang sekreto nga manggad sang mga top political kag business leaders sa bilog nga kalibutan nga may ginapanag-iyahan nga offshore company.
Base sa pagtuon sang Philippine Center for Investigative Journalism, isa si Tugade sa ginapahayag may mga tinago nga negosyo samtang naga-akupar sang posisyon sa gobyerno sa sulod sang walo ka-tuig kag wala ini na-deklara sa iya Statements of Assets, Liabilities, and Net Worth (SALN).
Apang suno sa Transportation chief, consistent ang iya pag-disclose sang iya SALN sa idalom sang ‘Personal Properties – Intangible,’ partikular bilang ‘Offshore Investments’ humalin sang 2012 tubtob 2020.
Sa pihak sini ginpahayag ni Tugade nga padayunon niya sa gihapon ang pagtutok sa mga ginatapos nga proyekto sang DOTr.
“Tuloy ang trabaho sa pagtatapos ng proyekto. Tuloy ang pagtawag pansin sa mga tamang gawa.”
“Maraming maraming salamat po sa tiwala, suporta at dasal. Sana po ay tuloy-tuloy ito hanggang matapos ang mga proyekto.”
