Masirado na umpisa subong nga adlaw, Oktubre 29 ang mga patyo sa bilog nga pungsod tubtob sa Nobyembre 2,2021 agud nga ma hagan-hagan ang risgo nga dala sang COVID-19 transmission kadungan sang Piesta Minatay.
Suno kay Department of the Interior and Local Government (DILG) Secretary Eduardo Año, nagpasar sang resolution ang pandemic task force sang gobyerno para sa guidelines sa selebrasyon sang Undas sa tunga sang COVID-19 pandemic.
Pagkatapos sang Nobyembre 2, mahimo naman nga makabisita ang publiko sa patyo, memorial parks kag columbaria.
Kinahanglan nga limitado lang sa 10 ka tawo sa kada grupo ang makabisita kag ang venue ang dapat nga yara lang sa 30% capacity.
Apang nakadepende na sa local government unit kun pahanugutan ang 50% capacity.
