Ginsugo ni Presidential aspirant Ferdinand “Bongbong” Marcos Jr. si Vice President Leni Robredo nga hambalon ang mga kaalyado sini nga i-withdraw ang petition batuk sa iya sa Commission on Elections kun indi ang bise presidente ang sa likod sini.
Una na nga ginpahayag ni Robredo nga indi siya ang sa likod sang mga tikang nga ginahimo sang pila ka mga grupo nga i-disqualify ang iya 2016 kag 2022 political rival.
Suno kay Marcos, ginakonsidera niya ang petition bilang nuisance complaint bangud tapos na ang nasambit nga issue apang luyag lang sang iya kasumpong nga maghimo sang bag-o naman nga issue.
Apng nagapati ang presidential aspirant nga indi makansela ang iya nga COC.
Ginpahayag man sang kampo ni Mracos nga ang petition ang isa ka “predictable nuisance petition” nga ginhimo sang mga personalidad nga kilala nga may kaangtanan sa Liberal Party.
Matandaan nga nag-file sang petition ang civic groups sa Comelec nga ikansela ukon i-deny ang certficate of candidacy ni Marcos.
Suno sa mga petitioners, ang 1995 conviction para sa tax evasion ni Marcos ang dapat nga maglikaw sa iya sa pagpadalagan sa pagka-presidente sa 2022 May elections.
