Indi magnubo sa 152 ka mga abogado ang nagpabutyag sang ila opposition sa nominasyon ni Presidential Spokesperson Harry Roque sa International Law Commission (ILC) sang United Nations.
Nagpanawagan ang mga abogado sa Permanent Mission sa UN General Assembly nga ihatag ang ila boto sa mas “worthy” kag “deserving” candidates nga mangin meyembro sang international law body.
Si Roque ang kabahin sang 11 ka mga indibidwal nga nominado sa idalom sang Asia-Pacific states kag walo lang sa ila ang pili-on nga mangin parte sang ILC.
Gina-emphasize sang mga abogado ang malapit nga relasyon ni Roque kay Presidente Rodrigo Duterte nga nagapangatubang sang imbestigasyon sang International Criminal Court bangud sa ginaalegar crimes against humanity .
