Diskusyunan bwas sang Inter-Agency Task Force for the Management of Emerging Infectious Diseases ang bag-o nga quarantine status sang pungsod tubtub sa katapusan sang Pebrero.
Ini ang mangin epektibo sa Pebrero 16 tubtub 28.
Suno kay Department of Interior and Local Government Secretary (DILG) Secretary Eduardo Año, bwas man mahibaluan kun bala ipaidalom na sa Alert Level 1 ang National Capital Region (NCR).
Ginpahayag sang tiglikom nga magadepende pa ang bag-o nga alert level classification sa presentation sang Technical Working Group.
Nagakahangawa man si Año nga posible magtaas na naman sang kaso sang COVID-19 bangud man sa electoral campaign activities.
Sa subong, ang Metro Manila kag pila ka probinsya ang yara sa Alert Level 2.
Samtang ang bug-os naman nga Western Visayas ang yara sa Alert Level 3.
Suno sa Department of Health (DOH), tanan nga rehiyon sa pungsid lakip na ang NCR ang yara na sa low to moderate risk sang COVID-19 cases magluwas lang sa Region XII.
Ang low risk ang nagakahulugan nga ang average daily attack rate (ADAR) sa isa ka lugar ang yara sa less than 1 per 100,000 population.
Samtang ang moderate risk naman ang yara sa tunga-tunga sang 1 to 7 per 100,000 population
