Nagakadapat nga indi pagpasilabtan sang Commission on Elections (COMELEC) ang campaign posters nga ginapahamtang sang non-candidates ukon pribado nga mga indibidwal sa ila private properties.
Sa interview sang Bombo Radyo kay former COMELEC Commissioner Rowena Guanzon, iya ginpahayag nga base sa Korte Suprema, indi sakop sang regulasyon sang COMELEC ang mga indibidwal nga wala nagapadalagan sa eleksyon.
Buot silingon, may kinamatarong ang private individuals sa pagtapik sang bisan ano kadako nga campaign material sa ginapanag-iyahan sini nga propiedad sa kondisyon nga wala ini nagpabayad ukon nagpasugo sa ginasuportahan sini nga kandidato.
Dugang pa ni Guanzon, ‘freedom of expression’ man sang kada private individual ang pagpahamtang sang tarpaulin ukon posters sang kandidato nga ginasuportahan sini sa iya ginapanag-iyahan nga building ukon balay.
