Iga-implementar na sang Public Safety and Transportation Management Office (PSTMO) sa ika-duha nga quarter sang 2022 ang Local Public Transport Route Plan (LPTRP) sa Iloilo City.
Sa interview sang Bombo Radyo kay Mr. Jeck Conlu, pinuno sang PSTMO, iya ginpahayag nga gintun-an naman sang Metropolitan Manila Development Authority (MMDA) ang nasambit nga route plan.
Sa tion nga ma-implementar na sa syudad ang transport plan, may patigayunon ang PSTMO nga mga experimentation.
Katuyuan sini nga mapahagan-hagan ang pagpugok sang trapiko sa syudad.
Sandig naman sa traffic management plan sang syudad, ginpahayag ni Conlu nga may himuon sila nga infrastructure intervention agud mapahagan-hagan ang traffic congestion sa syudad sa sulod sang lima tubtob 10 ka-tuig.
